Miklu betra

Ohh þvílík og önnur eins sæla...loksins búin að skanna tölvuna mína og komin með vírusvörn. Núna er ég ekki háltíma að gera það sem tekur 10 mín. Gott að eiga góðan kall :)

Fór á þorrablót um síðustu helgi. Fannst ég standa mig með miklum sóma þetta árið (7,9,13) merkilegt nokk. Enda góð kveldið áður.. :) Þetta sixtíes ball á föstudaginn fór samt fyrir mjög lítið, sem betur fer er rannveig ekki lengi að redda samböndum og við fengum stimpilinn ókeypis :) það hefði verið það eina sem ég hefði fengið fyrir peninginn..en aftur að blótinu. Tók mig nú til og smakkaði tungu og sviðasultu át svo magafylli af kartöflumús, hangikjöti, baunasalati og harðfisk...og skellti í mig einni langloku sem Binni keypti fyrr um daginn, eins konar forvarnarstarf býst ég við ;) Ég sleppt hringdansinum þetta árið, dansaði frekar inní hringnum, það er miklu skemmtilegra :)

En aftur að lífinu fyrir sunnan. Spiluðum við HK/Víking á fimmtudaginn, unnum 9-0 í 55 mín leik. Vorum að spila úti og það var greinilegt að sumir eru of góðu vanir. Sumar í hinu liðinu voru svo obbó sniðugar að klæða sig úr síðbuxunum og spila á stuttbuxunum, enda ágætis veður, 3 stiga hiti og rok og rigning, gerist ekki betra. En þegar vindáttin breyttist skyndilega og það tók að snjóa þá gekk ein bara útaf og neitaði að spila meira henni var svo kallt :) Stjörnur vita betur en svo að halda að veðrið á íslandi geti ekki breyst á örskotsstundu en þær eru líka góðhjartaðar og fannst nó að vinna bara 9-0 þetta skiptið og leyfðu dómaranum að flauta leikinn af :)
Ég upplifði reyndar ekki þetta augnablik, ég fékk að fara í hálfleik. Ákvað kvöldið áður að taka þátt í söngvakeppninni, bara for the fun of it. gekk ágætlega alveg, ég fékk góðan stuðning frá stjörnum sem mættu sveittar í salinn :) Það voru teknar nokkrar myndir:
 


 


Og ég fékk meiraðsegja verðlaun, bara plús :)

 


Fix you með coldplay er lagið

Blankiflur búin að segja ágætis fréttir