Allt í einu!

Í dag er 3 dagar í verslunarmannahelgidagurinn og ég bara á ágætu róli, ekki búin að ákveða neinn skapaðann hlut vegna komandi helgi! Hvað á ég að gera!?!?

Í dag er líka eitt furðulegasta veður sem ég hef séð! Það er rigning og rok samt er glampandi sól, ískalt en samt eins og það sé gott veður...asnalegt. Vonum að veðrið ákveði sig bráðum. Stelpurnar mínar eru að spila á eftir á móti KA heima og svo er landsleikur, England-Danmörk kl.16.30! Verst að missa af öllum leikjum Íslands, er ekki búin að sjá einn einasta leik með þeim :( Fór suður um helgina með stelpunum í 3.flokk á rey cup, það var æði. Þessar stelpur eru alveg besta skinn og þakka ég þeim alveg kærlega fyrir frábæra helgi. Mér finnst samt að ég verði að nefna það að Sigyn, systir Kristínar Unu toppaði þetta alveg. Hún byrjaði að æfa núna í sumar eða í vor og það er ekki hægt að segja að húna hafi beint verið mesta efni sem marr hafi séð, ég held ég hafi aldrei séð hana hitta boltan á æfingu og ef hún gerði það að þá skaust hann allt annað en í átt að markinu, en alltaf hló hún jafn mikið og reyndi alltaf aftur og aftur. Nema hvað að þegar ég og Donni mætum á svæðið á fimmtudagsmorgni að þá eru báðir markmennirnir slasaðir og allt í volli. Elsa tók markið í þeim leik sem gekk alveg ágætlega. En hana langaði ekkert spes til að vera í marki og ekkvað lítið hægt að gera við því nema finna annan markmann. Þá fékk Sigyn tækifæri. Eftir það fór enginn annar í mark ;) Hún var alveg snilld, fór út í alla bolta, mis klaufalega en náði samt alltaf að halda honum, skutlaði sér og greyið var að drepast úr strengjum og marblettum útum allt en ekki hvarf brosið. Snilldar manneskja sem er ótrúlega gaman að vera í kringum, skoraði meiraðsegja beint úr útsparki og fattaði það ekki sjálf, ég sagði henni það daginn eftir!

Nú er ég öll að tæknivæðast búin að fá mér fartölvu og byrja að læra á hana strax og einhver nennir að kenna mér...
annars er ekkert meir að frétta held ég þannig að ég segi bless í bili.