Á heimleið enn á ný

Ekki linnir þrautseigu minni til þess að fara heim og ég ætla nú bara að drattast til þess að keyra þessa vegalengd aftur í kvöld! Á samt eftir að vinna í 3 tíma, fara á æfingu, sturta mig og borða pítsu með liðsfélögunum...ég ætti allavega að vera komin fyrir sólarupprás ;)

Ég verð að viðurkenna að þetta litla brjálæðiskast mitt í síðasta pistli virkaði. Hef náð að losa um einhverja spennu eða ekkvað því ég fann fyrir vott af alvöru hamingju yfir því að vera hérna í fyrsta skipti og vona að þetta eigi eftir að endurtaka sig attur og attur. Það var svo helvíti magnað á æfingu, ég má til með að monta mig á að hafa skorað með fallegum sveig með vinstri í aukaspyrnukeppninni og bókstaflega haldið liðinu inni keppninni :) Svo er líka drjúgur hluti hamingjunnar fólginn í að ég hætti að vinna eftir minna en 2 vikur...þó svo að ég eigi eftir að sakna kellinganna sem vinna hérna með mér, líður eins og ég sé búin að eignast fullt af nýjum frænkum sem er bara gaman :)
Skólinn minn byrjar 24 ágúst samkvæmt stundaskrá og hluti af mér er farin að iða af tilhlökkun við að skapa upp á nýtt og ég ætla mér sko helling að gera og læra í vetur! Enda er Svana flutt svo ég þarf ekki að ganga í gegnum það vesen aftur og svo er alltaf smá lægð í boltanum á haustin....

Síðast enn ekki síst vil ég hvetja alla að mæta á menningarnótt 20 ágúst. Get því miður ekki haldið neina samkomu þar sem ég hef ekki íbúðina lengur en það verður örugglega hægt að bæta úr því þegar ég verð búin að fá mína eigin einhverntímann í framtíðinni.

Balnkiflur búin að hlaða sig upp af snakki, nammi og gosi, tilbúin í heimferð!