Halda dugnaðinum áfram

Já það er komin vika eða ekkvað síðan ég bloggaði síðast og það hefur nú heldur betur verið ágæt vika.

Á miðvikudaginn var, var söngkeppni NFNV. Ég og Binni tókum Cranberries slagarann Zombie og gerðum okkur lítið fyrir og unnum þannig að ég fæ að fara fyrir hönd FNV á Akureyri og syngja fyrir þjóðina en einmitt það er að gera út af við mig núna. Ég á eftir að titra og skjálfa svo mikið að það á eftir að sjást á skjálftamælunum á suðurlandinu. Svo vaknar maður með helvítis lagið á heilanum alla daga og á kvöldin reynir maður að sjá einhvern texta fyrir sér, það er bara ekkert að birtast mér og ég hef aldrei verið þekkt fyrir að vera mikill penni þannig að ég held að textaábyrgðin fái að hvíla á öxlum einhvers annars. Er ekki einhver til í að reyna og senda mér síðan tillögur! :)
Nú fyrir þá sem voru að fullyrða að ég færi ekki í stóru keppnina vegna utanlandsferðar get ég svarað þeim því að það lítur allt út fyrir að ég nái að fljúga heim frá Tyrklandi, með reyndar einhverjum millilendingum hér og þar, í tæka tíð. Svo það er allt að komast á hreint og menn og konur þurfa ekkert að blaðra frekar um þetta.

Svo nú bara dauðvantar mér texta!!
Blankiflur biður um hjálp.