Góð hvítasunnuhelgi

Halló halló, fyndið að segja það en það er nú bara frekar langt síðan ég settist niður og bloggaði! En eins og flestir vita þá er ég flutt inn til sólborgar og við erum internetslausar en förum í það í vikunni vonandi að láta setja upp fyrir okkur.

Nokkur tíðindi síðan síðast: Unnum Keflavík 3-1 en gaman er að horfa til baka á spá sérfræðingana um að Keflavík átti að vinna okkur nokkuð örugglega 2-0, en bara ykkur að segja þá var bara eitt lið mætt á stjörnuvöll 25 maí síðastliðinn og það var stjarnan sjálf ;Þ
Ég og Alli lögðum afstað norður eftir leik og vorum komin um 2 leytið. Ég var ekki lengi í gallann og niður á Mælifell til að óska öllum nýstúdentunum til hamingju og taka eitt glatað gigg með blindfullum Ellert í von :Þ

Laugardagurinn fór svo í veislustúss. Fór í veislu til Völu þar sem ég var "ein" úr vinkonuhópnum.. svaka stuð hjá mér, enda fengum "við" fullt í búið. Titluð kallinn í búskapnum sem er mér mikið gleðiefni, þá get ég horft á enska með bjór í hönd, verið pirruð þegar hún fer að ryksuga fyrir framan sjónvarpið og átt von á því að fá hærri tekjur og að hún eldi nú flest öll kvöld..já ég verð svona týpískur karlmaður!

Eftir veislu hjá Völu var veisla hjá Önnu og þar voru flest skyldmenni mín mætt á svæðið, mikið er um dýrðir þegar þessi fjölskylda ákveður að leggja hönd á plóg og hittast og halda veislu. Geggjaður matur, kökurnar ekki verri og Öddi sá til þess að enginn sem mátti láta ofan í sig áfengi varð án þess :) Eftir sötr og trúnó þar á bæ var hladið til Snorra Geirs þar sem margt var um manninn, ég hitti tvífara minn og við dönsuðum Kidda vídjóflugudansinn. Geiri var að spila á barnum og þar var alveg stútfullt af skemmtilegu fólki og ekki versnaði það þegar mamma, Magga og Elva systur hennar mættu á svæðið. Sjitt hvað það er gaman að djamma með foreldrunum svona til tilbreytingar. Eftir ball var farið til Snorra aftur þar sem ég fjöldaframreyddi samlokur og át nóg af þeim sjálf ;)

Dýrindis veður var um nóttina þannig að við frændsyskinin+Ingvi+Pálmi röltum heim en það var alveg einstaklega skemmtilegt rölt. Við fengum hallærisleg föt lánuð hjá Snorra en Alli lét það nægja að binda enska fánann um höfuðið á sér og átti það til að dragast aftur úr og raula óskiljanleg lög, en eflaust var það vel sungið hjá manninum! Reynt var að espa menn upp í að fara í pottinn heima en það endaði á því að ég og Ingvi fórum tvö, Alli var orðin svo svangur og Anna þreytt og Pálmi var þegar orðin viðskila við hópinn.
Algjör snilld þetta kvöld og eitt besta Mælifellsdjamm sem ég hef held ég bara farið á, ekki versnaði það þegar þynnkan lét mig alveg í friði daginn eftir en ég þakka guði fyrir að pabbi lét renna í pottinn!

Leti Leti Leti einkenndi daginn í gær og dagurinn í dag verður eitthvað svipaður. Leggjum í hann um 8 leytið í kvöld, síðan tekur við saumaskapur eða eitthvað sem ég finn mér að gera í Reykjavík á morgun ;)

En það er annar dagur..

Blankiflur er að fíla hvítasunnu og útskriftir :)