Heimilisleysingi

Já helgin er aldeilis búin að vera..óhelgarleg. Í fyrsta lagi var ég ekki heima á krók! Ég vakna á laugardagsmorgun klukkan 10 eftir að hafa verið vakandi til klukkan 3 á föstudagsnótt vegna þess að ingvi vinur pabba var ekki á því að fara úr partíinu þeirra doktorsfélaga, þó að ég hafi hlegið mig máttlausa á tímum var ég orðin soldið þreytt.
Laugardagurinn fór svo í að þrífa alla íbúðina sem við bjuggum í í 4 vikur með svanhvíti. Ég held við höfum sett met, byrjuðum um 11 eða 12 og vorum búnar um hálf 4, plús það að við fengum okkur kókópuffs í millitíðinni, en það er heilög stund sem verður að virða með aðgerðarleysi.
Eftir þrif byrjaði ég að skrifa gagnrýni um ferð á listasafn ísland...tilgangslaust!! og svo byrjaði ég á fyrirlestrinum mínum um byggingarlist á íslandi á árunum 1500-1550, en það er hreinlega fáránlegt...það var engin list á þeim tíma, fólk bjó sér til skjól yfir höfuðið til að geta lifað! allavega eftir að vera búin að rekja þróun torfbæja á íslandi fékk ég mér pásu, sem ég hefði betur geta sleppt, en það má alltaf draga lærdóm af öllu. Fá sér smá pásu í að halda með man un og aldrei horfa þegar þeir spila við lélegustu liðin.
Þegar hörmungunum var lokið var farinn stuttur hringur á skokkskónum í laugardalnum, geggjað veður. Kvöldmatarboð um kveldið, fiskur, rækjuréttur, engar kartöflur, hollustan uppmáluð.
Daginn eftir var svo flutt út úr brúnavegi og inní bílana þar sem við höfðum ekki fengið núverandi bústaðslykla afhenta. Það má segja að ég hafi verið heimilislaus milli 2 og 4 í gær en þá voru öllum mínum eigum komið fyrir í Astrid. Hún er alltaf til staðar :)

Þá var húkt á kantinum..bara slökun heima hjá Elvu móðursys, en það má með sanni segja að það sé óþægilegt að eiga hvergi heima og hafa allar eigur sínar á stað sem ekkert er hægt að gera við þær!!
Ég lifði þetta samt og bara frekar jákvæð meiraðsegja. Seinna um daginn komumst ég Magga langt á veg með að búa til fyrirlestur fyrir miðvikudaginn og ég gat saumað meiraðsegja nokkur spor í dressinu fyrir tískusýninguna á Ak 16 apríl. Mikil framtaksemi og dugnaður þessa helgina.

En að öðru skemmtilegra. Næsta helgi er ofarlega í huga mér og á aðeins eftir að færast ofar. Planið er að leggja afstað um 11.30 úr borginni á föstudaginn og bruna heim á krók, redda sér í mjólkurbúðina (btw ef einhverjum vantar far á krók þá er laust) og borða huggulegan dinner heima. Síðan skal haldið enn norðar á land vegna æfingar fyrir fatahönnunarkeppnina daginn eftir. Óska ég eftir því að allar gilsbungur/lopapeysur reyni að mæta á föstudagskvöld svo hægt verði að taka forskot á sæluna á föstudagskvöld eftir æfingu. Allavega þá kemur laugardagur og þá á litla skvís ammæli og verða hátíðhöldin að hefjast snemma til að minnka huga hennar við þann gígantíska atburð sem hún er að farað taka þátt í um kvöldið og gera okkur svo stoltar. Klukkan 16.00 koma allir á glerártorg og kíkka á okkur Völu í dressunum en þannig er mál með vexti að ég er að farað módelast fyrir meistarahönnuðina í Völumögg en ég mun klæðast kvöldfatnaði. Þá mun Vala gera slíkt hið sama og klæðast dressinu sem ég er að basla við að sauma núna. Sandra mun hjálpa við hár enda on fire á ammælisdaginn og ég mun væntanlega sjá um að slengja einhverjum litum á augun. Eftir þennan viðburð mun taka við stresslaus sæla sem ég hef ekki upplifað í lengri tíma...eftir söngvakeppni verður svo haldið á vilt djammerí..því það er alveg obboslega gaman á þannig stússeríi fyrir norðan :)

Næsta helgi hefur færst nokkuð ofar í hugan við þessi skrif og sit ég vart kjur á rassinum núna, best að róa sig niður og fara að ræða við umsjónarkennarann.

Blee í bili...hlakkahlakkahlakkatil