Vinstri handleggur

Hvað var málið með vinstri handlegginn á mér á áramótunum, ég held að hann hafi dekkað helminginn af öllum myndunum af mér á djamm.net. Verð að vinna í því.

Mér líður eins og ég hafi ekki smakkað sopa af áfengi í langan tíma, þó svo að það séu bara 2,5 vika síðan. Ég er komin með fráhvarfseinkenni, skammast mín fyrir að segja það, íþróttamaðurinn sjálfur. Ég þarf að slökkva í þessarri löngun, svo ég skandaliseri ekki á þorrablótinu um þarnæstu helgi.
Þegar ég hugsa um hvað ég á að skrifa meira, kemur bara eitt uppí hausinn á mér, fótbolti og erfiðar æfingar í snjó og roki og það er bara ekkvað sem ég vil ekki skrifa um!!

hmmm...Ég hef komist að því að Stefán er alveg ómissandi í Goðalandinu. Eftir að hann kom, er uppþvottavélin sett afstað á hverjum degi, kveikt er í húsinu og engar perur sprungnar. Ruslið er ekki alltaf troðið og það þarf ekki að segja pant ekki fara út með ruslið og þrjóskast við að taka það ekki. Bibbi má þó eiga það að hann er obbógóður í að elda fisk, en hann hefur líka tíma til þess. Ég væri örugglega búin að elda margt úr kokkabókinni sem amma og afi gáfu mér í ammælisgjöf ef ég væri ekki alltaf á æfingum á matmálstímum. OOoo ég sakna mömmu!!

Stefán það er gott að fá þig aftur, þú kemur reglu á okkur hin :)

Annars á bara að reyna að lifa daginn af, en núna er klukkan 20 mín í 9 og ég er ekki frá því að ég hafi aldrei bloggað svona snemma á ævinni. En þó er ég búin að vera vakandi í þrjá tíma og púla..sjii þetta er rugl.

Blankiflur ætlar að leggja sig á bókasafninu...