Morganbrenna og allt í drasli!!

Jæja þá er hádegishlé í fraktinni og mín búin að koma sér vel fyrir bak við skjáinn. Tilbúin að rita fáein orð um nýafstaðna helgi.

Hún byrjaði í matarboði hjá Helga hlaðmanni, en mér til mikillar ánægju náði hann sér í skagfirska snót sem hefur mikinn áhuga á menningu og handavinnu. Þannig að við gátum blaðrað. Annar hlaðmaður að nafni Bergur nennti aldrei að svara í símann þannig að við þurftum að svara fyrir hann og bjuggum til alls konar sögur af því hvar í anskotanum hann héldi sig. Við enduðum á því að hann væri úti að vega á vegasaltinu fyrir utan. Auðvitað varð að prófa það síðan í alvöru áður en farið var niðrí bæ þannig að ég vegaði í fyrsta skipti síðan í barnaskóla. Réttara sagt þegar sólborg greip önnu þegar þuríður skaut henni lengst upp í loft. Síðan þá hef ég verið smeyk við vegasaltið en ég lét mig hafa það þar sem nokkrar blöndur af baccardi coconut í appelsínudjús voru farnar að hleypa kjarki í konuna ;)

Kvöldið varð þó ekki langlíft og ég var komin snemma heim þökk sé gömlum kunningja og fjölskyldu vin, Bjarna Herrera. Við vorum víst góðir félagar þegar við vorum lítil og til eru myndir af okkur þegar við hlupum nakin í gegnum úðara...enda bara lítil börn þá! En rosa gaman að rifja svona hluti upp yfir rúnstykki og milkyway á NESTI niðrí bæ um miðja nótt! :)


Jökull frændi í Sviss ákvað síðan að taka upp á því að fermast um miðjan Júlí og hélt veislu þess til heiðurs á laugardaginn. Þannig að það var ekki annað hægt en að bruna alla leiðina á Akureyri til að fá að kyssa drenginn til hamingju. Eftir það lá leið mín og fleiri frændsystkina heim á krókinn..mikið rosalega var ég glöð að sjá rúmið mitt aftur. Þó endaði kvöldið á því að ég svaf í öllum rúmum nema mínu :D
spútnikk var með ball á barnum og við létum okkur ekki vanta, dönsuðum langt fram á nótt. Vala tvistaði langt niður í gólf á meðan ég bætti örugglega íslandsmet í að hoppa í fangið á fólki! Bætti metið hennar Thelmu sem hún setti á Lovegúrú djammi fyrir löngu á gamla barnum! :) Múgur og margmenni og mikið gaman að sjá mörg kunnuleg andlit sem ég hef ekki séð lengi.

hápunktur kvöldsins:

Í taxanum á leiðinni heim hringir Anna. Úr heimasímanum mínum! "Inga koddu, það er eftirpartí" :D snilld Anna var að hringja og reka mig áfram í mitt eftirpartí. Þegar ég loksins mæti á svæðið ásamt stútfullum júllataxa í farteskinu er Pálmi meistari að búa til samlokur og Svanhvít frænka að laga sér te og brauð á pönnu. Þá byrjaði för mín um öll rúm í húsinu nema míns. Ég var búin að koma mér vel fyrir inni hjá Elvu þegar "allt í drasli" bræðurnir Ingvi og Stefán eru mættir á svæðið. Þegar ég lít fram er sófin hátt upp í loft haldið af þeim tveim meðan annar ryksugaði undir!! Mér brá heldur betur en ákvað að taka rölt niður og sé að hurðin er opin. Ég lít út og sé mér til mikillar furðu og skemmtunar Aðalstein sitja í hlaðinu með eldspýtustokk að reyna að kveikja bál. Eldiviðurinn var Team Morgan bolur og því hefur þessi brenna verið nefnd morganbrenna. Vonandi verður hún endurtekin að ári Alli minn! Þá skal ég eiga sykurpúðana sem þú baðst mig um, og já kannski fleiri en einn eldspýtustokk :) Hann Aðalsteinn fór á kostum, svo mikið er sagt. Ég ætla að halda restina af morgninum fyrir mig :)

En sykursnúðurinn minn og meðleigandi er loksins kominn til landsins. Hlakka til að sjá skvísuna...

..blankiflur hefur svo mikið að segja að hún kemur ekki öllu fyrir..það kemur meira seinna! :)