Erfið Helgi.

Já þá er búið að fara í sumarbústað með meiru og það má bara segja að þetta hafi allt heppnast gífurlega vel. Heilsan var samt ekkert spes í gær þannig að ég tók það bara rólega í gærkvöldi á meðan frænka var mjög hress í fyrsta skiptið!
Á föstudaginn kíktum við á ball og spilltum óvart nokkrum nýnemum, það var helvíti magnað og heyrst hafði að indverska prinsessan ætti að mæta á svæðið. Það hefur þá farið fram hjá mér ef hún mætti, ég tók ekki eftir henni. Á laugardaginn var sofið útum allan bústað og marr vissi varla hverjir væru þarna, það fækkaði samt heldur betur þegar leið á daginn og við enduðum 6 um kvöldið. Ég, Anna, Sara, Vala, Þuríður og Lilla. útlitið var svart og við höfðum ekki hugmynd hvað átti að gera, áttum litla "mjólk" eftir og vissum ekkert hvert við áttum að fara. Ég ákvað samt að fórna mínum skammti og ég, anna og þuríður létum okkur nægja að rúnta um á meðan hinar fóru útí Árgarð þar sem var víst ekkvað brjálað partí. Þær komust samt heilar og svo var bara sofið langt fram eftir í dag, pakkað saman, þrifið og haldið heim á leið :)

Pælingar

Hafiði einhverntíman spáð í mjög heimskulegum hlutum? Og rankað við ykkur, og hugsað bara hvað er ég eilega að spá! Ég er alltaf að hugsa um svoleiðis hluti bara ég er hætt að segja við sjálfan mig að það sé heimskulegt að spá í þeim, því kannski er það eitthvað mjög vísindalegt sem maður er í raun að horfa uppá! Í sumar hef ég verið að spá mikið í flugum til dæmis, þær söfnuðust alltaf saman rétt fyrir framan hurðina inní búðinni, alveg fullt af þeim. Svo hringsóluðu þær allan daginn...nei! þær fljúga nebbla ekki í hringi þessar skrítnu verur, þær flugu í kassa! Afhverju? Svo þegar þær eru komnar of nálægt hvor annarri þá alltíeinu ráðast þær á hvor aðra og mynda eins og hvirfilbyl í pínu stund og byrja svo aftur að fljúga í kassa...hvernig stendur eiginlega á þessu, eru þær að leika sér eða? Sem betur fer var eitrað fyrir þeim um mitt sumar, annars hefði brætt úr heilanum á mér ég hefði pælt svo mikið.

Þegar ég byrjaði að vinna hérna vissi ég ekki alveg hvað ég átti að gera við mig, þekkti engan og Brynjar orðinn meir en 60 ára Vala verður 50 eftir nokkur ár og Óli 30 og ekkvað. Hvernig átti ég að lifa þetta af...? Ja ég er allavega búin að ákveða að vinna hérna fram að áramótum. Það hlýtur nú að segja sitt um hvað það er gott að vera hérna. Þeir eru nebbla ekkert mjög alvörugefnir, binni og óli. T.d. kom Binni til mín um daginn, Heyrðu inga þú fylgist með búðinni í smá stund ég ætlað farað SPRÆNA...og svo bara fór hann án þess að brosa, ég hef ekki vanist því að gamlir kallar segi svona. Óli leynir líka rosalega á sér, þótt hann haldi með arsenal, alltaf að gera afmynduð karatehopp uppúr þurru, kemur alltaf skemmtilega á óvart. Vala er alltaf að hneykslast á öllu og það er rosa gaman að stríða henni reglulega, heldur því alltaf fram að við vinnum ekki neitt og svo fer hún alltaf sjálf hálftíma fyrr heim. Hún er þessi týpa sem segir...þessir unglingar!;)

En þetta er bara svona það helsta, auðvita getur verið alveg drepleiðinlegt í vinnunni en það kemur sjaldnar fyrir en ég bjóst við ;) Leið okkar stelpnana liggur uppí Brennigerði 2 um helgina. Sumarbústaðurinn frægi sem er í göngufæri frá heimilum okkar. Þar ætlum við að fagna Íslandsmeistara titlinum sem við unnum í hittífyrra í þriðja skipti og verður það heljarinnar veisla.

Annars sykurpúðar...þraukiði það er alveg að koma helgi og njótiði hennar hvar sem þið eruð :)

Smá pása...

...kæru félagar í blíðu og striðu, ég er alltaf ekkvað að reynað brasat í þessarri blessaðri tölvu minni og það sem verra er ekkert gengur, get aldrei skrifað vegna annríkkis og stundum áhugaleysis. Ætlað taka mig á eftri helgi ok? ...annars þarf ég ekki ykkar samþykki!

Eitt merkó. Hann Ólafur á Skorrastöðum betur þekktur sem óli skorr er að fara hamförum þessa dagana, eins og flestir vita er hann kannski ekki alveg eins og fólk er flest. Hann kom í búðina um daginn, eins og vanalega og uppír þurru sagðist hann vera METRÓ.......sexual! Það er semsagt að vera bæði hrifinn af konum og köllum, nú þurfa þeir að farað vara sig því hann er á fullu þessa dagana að reynað finna sér ekkvað til að jappla á ;) Ég ætlaði að deyja úr hlátri.
En í morgun var slökkviliðið kallað út að skorrastöðum, þá stóð gamli kofin í ljósum logum og óli skorr fyrir utan í pilsi yfir buxunum, ekkert er að frétta af hundinum og kettinum en mútta hans var víst borin út á börum, annað hvort var hún meðvitundalaus eða hefur neitað að fara út og mennirnir neyðst til að bera hana út. Hef aldrei á ævinni séð þessa konu.
Þetta er allt mjög furðulegt og ég fæ alltaf það nýjasta beint í æð þar sem ég er komin inn í ekkvað skrítnasta samfélag/umhverfi sem ég veit um.

meira seinna

Allir að fara!

Góðan daginn, enn einn dagurinn genginn í garð og ég er bara nett þétt á kantinum...það bara passar ekki þegar ég tala svona! Ég hef ákveðið að tala frekar eins og útvarpsfólkið, ekki á fm heldur skýra og góða íslensku!

Fyrirsögn dagsins vísar til sorgar, Ragnar frosti kvaddi okkur á mánudaginn. Hélt drengurinn þá til paradís (Svíþjóðar) og verður þar ekkvað áfram. Býst hreinlega við því að hann komi ekki aftur það er svo gott að búa þarna. Nú tvíeykið Ómarssynir halda kveðjupartí um helgina, Ingvi ætlar að lifa ameríska drauminn í ár! Hann reyndar er þannig karakter og ef það passar einhverjum að fara þá er það honum. Eldra eintakið fer í Lýðháskólann í DK, vonandi spjarar hann sig. Ég á eftir að sakna þeirra ekkert smá mikið :,(

Ég prentaði út umsóknarblaðið í FG í gærkveldi, fannst það nóg í bili, fylli það út þegar ég er búin að safna kjarki. Búin að fá vinnu í bókabúðinni fram að áramótum, en ef ég fæ í skaffó þá fer ég frekar þangað. Svo á ég eftir að tala við Maríu Björk um að fá að vera ekkvað í féló. Skráði mig líka í 10 einingar í fjarkennslu í FNV í haust þannig að nánasta framtíð er að fá á sig einhverja mynd. Aðgerðinni minni gæti líka verið flýtt, þarf barað heyra í Ingó vinkonu í landsliðsnefnd og hún reddar þessu.

Ég er ekki lengur markahæst hjá Þór/KA/KS! Laufey þurfti endilega að skora í gær, annars hefði ég verið markahæst með 2 mörk í 2 leikjum ;) Nema Þóra hefði sett hann fyrir lok tímabils, held líka að Telma sé að farað nálgast, ef hún er ekki búin að því svei mér þá ég man þetta ekki.

Annars allt gott að frétta

oohh!

Ég hata hvað ég er léleg á tölvur! Búin að skrifa geggjað mikið um verslunarmannah. en svo eyddist það allt! Ógeðslega fúlt og veit ekki hvort ég nenni að rifja allt upp á nýtt ef ég man það ennþá það er að segja ;) Alla vega skrifa seinna, þarf að vinna núna. Óli og Binni eru báðir í burtu þannig að ég má ekki gera neinn skandal, dagurinn í dag verður bara þægilegur, mikið um pásur, lesa slúðurblöðin og sollis :)

Segji meira seinna, kannski bara seinna í dag!