Við biðjum um sigur gegn KR á morgun!! Allir með..áfram STJARNAN

Helgin kom og fór

svo mikið sé sagt. En þessi helgi var alveg óttarlega viðburðarlítil sem er alveg eins gott svona einu sinni. Það var alveg geggjað veður hins vegar sem gerði það að verkum að ég gerði ennþá minna en ég ætlaði mér. Veðurblíðunnar var notið á laugardaginn í sundi og á fótboltaleik og síðan var kvöldið kórónað með kvöldverði á vegamótum í fylgd með góðu fólki. Ég, Magga og Sólveig úr MA gæddum okkur á steiksamloku en Hjalti fékk sér kjúlla :) veru nice. Súkkulaði hnallþóra var síðan fyrir valinu með kaffinu eftirá.
Kíktum smá rölt á laugaveginn en farið snemma heim. Sunnudagurinn var...jah ég man ekki eftir sunnudeginum einu sinni, minnir að veðrið hafi verið gott og já, ég gat verið með á æfingu í fyrsta skipti í 5 daga!

Í gær (mánudagur) var yfirmannað í fraktinni þannig að ég bauð mig fram til að mæta ekki, inga..lata. En ég eyddi deginum fyrir framan saumavélina mína góðu og fór í einhverja myndatöku til að útiloka að ég sé með brjósklos! Það getur bara ekki verið að guð hati mig það mikið að ég sé með brjósklos..við vonum það besta. Þegar þið farið með bænirnar í kvöld megiði reyna að troða mér með :) Á samt von á símtalinu á hverri stundu, vil ekki svara..en það er örugglega betra að vita það..

En það sem bar af þessa helgina er að pabbi gaf mér nýja saumavél. Sem þýðir að ég þarf að losa mig við hina. Það er bara svo skrítið að þó að þessi nýja sé miklu betri og öflugri þá vil ég ekki losa mig við hina, við erum búnar að ganga í gegnum margt saman og mér þykir bara asskoti vænt um hana. Fyrsta saumavélin mín :( en hún fær vonandi góðan eiganda. Ég ætla að nota hana í smá tíma í viðbót, þangað til að ég þori að grípa í hina. Hún er með meiri eiginleika en mister gadget himself!! Ég á ekki eftir að geta slitið mér frá henni þegar ég byrja...

En ég er að vonast til að símakall komi og setji upp netið fyrir okkur í kvöld og þá get ég farið að raða inn myndum

Allir að fá sér facebook


Blankiflur farin að njóta góða veðursins

Til hamingju með daginn konur

Góðan og margblessaðan, í dag er dýrindis veður hér í höfuðborg Íslands. Enda ekki furða, í dag er dagur kvenna og ber ég bleikt barmmerkið með stolti! Allt er í fínasta lagi í fraktinni ef einhver vildi vita það en ég og Magga erum að bíða eftir að Daði Lárusson komi með köku, hann er 34 ára í dag kallinn.

Helgin 16 júní er liðin. Mig langar að grenja, en svo fer ég að hugsa um hana og þá hlýnar mér um hjartarætur. Yndisleg helgi í veðurblíðunni fyrir norðan. Fullt af fólki sem maður hefur ekki séð lengi mætt og gaman að rifja upp gamla tíma innan sem utanvallar ;)

Föstudagskvöldið fór í heitapottarsöngæfingu með tilheyrandi djúsi. Vorum mættar nokkrar úr núverandi og einhverntímannverandi meistaraflokk kvk og æfðum atriðið okkar. Síðan röltum við niður í bæ og redduðum okkur þremur snillingum til að spila undir fyrir okkur kvöldið eftir.

Laugardagurinn ógurlegi kom síðan eins og hendi væri veifað og ég missti óvart af kvennahlaupinu. Ekki varð ég mér þó alveg til skammar því þó ég hafi ekki byrjað á ráslínu að þá fór ég endalínuna, var meiraðsegja boðin verðlaunapeningur, en þar sem ég var á röltinu niðrá kaffi krók til að fá mér burger ákvað ég að segja nei í þetta skiptið.
Eftir burger á Kaffi Krók héldum við útá völl að horfá tindastól vinna skallagrím 3-1! Þvílík og önnur eins stemmning hefur ekki sést lengi á sauðárkróksvelli, frábær leikur, geggjað veður, hefði ekki getað verið betra. Og já Pálmi til hamingju með eitt flottasta mark sem ég hef séð :)

Eftir leik var hoppað í snögga sturtu og klukkan 5 voru spenntustu mættar í litla "fyrirpartíið" mitt og sys. Gólfið í herberginu mínu sást ekki fyrr en þegar ég var að fara daginn eftir, föt útum allt, sem eykur náttúrulega bara stemmninguna. Þannig á það að vera :)

Ætlunin var síðan að taka sprettinn niðrettir því, að sjálfsögðu, vorum við of seinar!! Okkur var sem betur fer bjargað á miðri leið, hefði ekki verið gott að mæta sveittar..
Kvöldið var hið glæsilegasta, frekar langdregnar ræður og pistlar er það eina sem hægt var að setja út á, en það var í lagi fyrir mér. Ég gekk um með hvítvínsflöskuna mína og blaðraði við marga menn og konur...leiðinlegu atriðin fóru alveg framhjá mér.
Við stelpurnar ákváðum að reyna að hressa þetta aðeins í okkar atriði. Fórum í níþröngar stuttbuxur og gamla tindastólsbúninga, fengum rauð og gul spjöld, flautu og kælispray. Sungum svo tvö vel valin lög með frumsömdum texta og afmælissönginn (tindastóll 100 ára) ætli fólk hafi samt ekki verið orðið frekar drukkið þegar að þessu kom..ég vona það ;)

Síðan var dansað á dansiballi bæði á mæló og í íþróttahúsinu, sem og farið á gamla góða trúnó. Að sjálfsögðu var eftirpartí hjá Snorra og mín var fyrst á samlokugrillið að búa til samlokur oní liðið. Snorri ég held ég hafi klárað ostinn þinn, en glerborðið skrifa ég á Hauk :D

Enn og aftur vel heppnað djamm á krók, Það er að verða solid að fara að djamma á krók. Maður skemmtir sér alltaf vel þegar maður er fluttur! :)


Í gær sótti ég síðan bílinn minn á verkstæði, en ég held að ég sé búin að bæta íslandsmet, ef ekki heimsmet í að tjóna/láta tjóna bílinn minn á sem skemmstum tíma. Sem betur fer í þetta skiptið samt. Viðgerðarmaðurinn tjáði mér það að síðasta viðgerð hefði ekki litið vel út og að það hefði ekki liðið á löngu þangað til að allt hefði farið í hakk og bíllinn ónýtur. Takk fyrir!!

en Blankiflur er farin að borða kökuna hans daða :)

Later

Hérna er viðtal sem var samið fyrir mig meðan ég var í Breiðablik

Inga Birna er fyrrverandi Íslandsmeistari í freestyle. Hér hefur hún tekið bikarinn sem hún tapaði af sl. vetur traustataki og er á leið með hann úr landi ... eftir því sem best er vitað þá hefur hún ekki enn fundist en frést hefur af henni á helstu stórviðburðum heims, þar sem hún dansar um og syngur ... „ég er meistari ég er meistari!!!“ Síðast fréttist af henni með týnda píanóleikaranum þar sem þau voru að undirbúa sýningu í Royal Albert Hall!

Fullt nafn: Inga Birna Friðjónsdóttir

Gælunafn: Dancing Queen - allir vinir mínir kalla mig samt bara Queen eða Her Royal Highness

Aldur: Já örugglega

Hvað eldaðir þú síðast: Ég ... fór í sjoppuna og keypti kúlúsúkk

Hvernig gemsa áttu: Ég á ekki gemsa, bara Nokia farsíma

Símanúmer: Já auðvitað!

Uppáhalds sjónvarpsefni: Dans um víða veröld

Besta bíómyndin: Dirty DancingHvaða tónlist hlustar þú á:

Danstónlist, Spice Girls og mig - hér er sýnishorn

Uppáhalds útvarpsstöð: DansstöðinUppáhalds drykkur: Drekk ekki - ég er íþróttamaður!

Ertu hjátrúarfull fyrir leiki (ef já, hvernig þá?): Já þarf alltaf að taka tvö dansspor í klefanum hjá hinu liðinu áður en þær koma. Hef einu sinni skroppið þangað inn til að dansa þegar stelpurnar voru úti að hita upp en þegar ég var að taka eina píríettu (æi þú veist, svona snúning) þá kom þjálfarinn þeirra út af klósettinu og rak mig út. Ég tapaði leiknum!

Hvernig er best að pirra mótherjann: Dansa framhjá honum

Hvaða liði myndir þú aldrei spila með: Þeim sem ekki dansa í kringum mig

Hvert var helsta átrúnaðargoð þitt á yngri árum: Heiðar Ástvalds hefur alltaf verið mitt uppáhald!!! - hann er æði!

Erfiðasti mótherji: ohh... Björk í Dancing in the Dark - ég var alltaf að reka mig í en af því að Björk var sko blind í myndinni þá átti hún miklu auðveldara með að venjast myrkinu!!!Ekki erfiðasti mótherji: duh ... það á enginn roð í mig. Annars finnst mér alltaf mest gaman að mala frænku mína sem er ekki orðin eins árs. Hún kann sko ekkert að dansa!

Besti samherjinn: Allar stelpurnar í Breiðabliki ... þær kunna ekkert að dansa og vilja allar dansa við mig - ef samherjar mínir vita að ég er aðaldansarinn þá eru þeir bestu samherjar mínir!Sætasti sigurinn: Íslandsmeistaratitillinn 2003 var algjört æði!

Mestu vonbrigði: Líf mitt hefur ekki enn orðið fyrir neinum vonbrigðum - bara áföllum sem standa í mislangan tíma ... snökt ... annars vil ég helst ekki tala um það!

Uppáhaldslið í enska boltanum: QPR Queen Punk Rock - geggjað lið

Uppáhalds knattspyrnumaður: Ég ... íhí

Besti íslenski knattspyrnumaðurinn fyrr og síðar: Ó guð...ég vildi gjarnan nefna mig en ég held ég verði að nefna Rögnu Einars ... mér finnst hún geggjuð. Hún kann ekkert að dansa sko!Efnilegasti knattspyrnumaður landsins: Engin spurning ... engin spurning ... ég!

Fallegasti knattspyrnumaðurinn í Landsbankadeildinni: Veit ekki, hef ekki haft áhuga á þessari hlið mála síðan ég bjó á Sauðárkróki. Þar var sætur strákur í hverju horni og maður var bara ekkert að spá í það hvort þeir kynnu eitthvað í knattspyrnu. Ef þeir dönsuðu í kringum mig þá fannst mér þeir í lagi.

Fallegasta knattspyrnukonan: Oh my, oh my ... þessi er sko erfið. Vildi segja að mér þætti einhver sæt en "I'm so sorry girls - you don't have your toes where I have my heels"

Grófasti leikmaður deildarinnar: Definatly Ragna Björg. Hún á ekki möguleika á að taka nein nett spor á vellinum. En hún er samt besti knattspyrnumaðurinn.

Besti íþróttafréttamaðurinn: Gaupi - enginn annar kemur til greina - Gaupi já og hann hérna á DV Óskar Óleifur ... hann veit hver ég er sko!

Ekki besti íþróttafréttamaðurinn: Sammi - verð að segja það. Ég hitti hann á vellinum um daginn og blikkaði hann og svona en svo kom hann ekki með neinar fréttir af því. Ég meina hvers vegna að vera að hösla einhverja glataða íþróttafréttamenn ef þeir segja svo ekki frá því í sjónvarpinu og koma manni almennilega á framfæri!!

Hver er mesti höslerinn í liðinu: Ég ...

Hefur þú skorað sjálfsmark: Hvað er það? Sjálfsmark. Nei - döh

Segðu okkur frá skemmtilegu atviki í leik: Sko einu sinni þá var ég að keppa sko og þá settu þeir vitlaust lag á fóninn. Ég var að spá í að fara í panik en hætti við það því að allt í einu fékk ég geðveika hugmynd að nýjum dansi. Svo bara dansaði ég og dansaði þangað til dómararnir sögðu að ég væri besti dansarinn og ég vann keppnina á þessum dansi. Ég hef aldrei dansað hann síðan og mér finnst það ógeðslega fyndið!!! hahahahahahaha

Hvenær lékstu þinn fyrsta leik með meistaraflokki: Ég var 12 ára

Heitastur í 2. fl. karla: Steinþór

Mottó: Ég vil ekki stríð og segi að allir eiga að vera vinir og hvað það er barnalegt að rífast.
Þetta er nú meira bullið í henni Ingó vinkonu minni en hún komst að því að ég varð íslandsmeistari í freestyle og er ennþá að skjóta á mig!!

Blankiflur, fer norður í dag :)

Dugleg delpa..já..já.. :)

Fór og sótti ráderinn í símann í gær, dugleg
Þá getur Sólborg farið að blogga og verið, dugleg
er búinn að vakna alla morgna vikunnar kl 6, dugleg
búin að kaupa efni í 13 eyjapeysur sem þarf að farað sauma, dugleg
Búin að elda einu sinni og borða fisk tvisvar, dugleg
Orðin nett flink á lyftarann ;) dugleg
á eftir að þrífa sameignina, ekki nógu dugleg

Blankiflur er með peppöppið á hreinu

Hlakka til að sjá alla á lau!!!!!! :)

kominn mánudagur eftir allt saman

jæja þá er Inga morgunhressa mætt til leiks eftir hreint ágæta helgi sem var eytt í reykjavík í samfylgd með góðu fólki ;)

Vinnan er fín en kroppurinn er ekkert spes, en ég er að bíða eftir að komast að hjá sérfræðingi í mjaðmagrindarveseni í orkuhúsinu. Svo eru búnar að vera miklar sveiflur í veðri þannig að ég er hnerrandi og sjúgandi upp í nefið í gríð og erg, vaknaði við hóstann ófáum sinnum í nótt!

Fór í klippingu fyrir helgi, það er ennþá ljóst. En það var nú meiri snilldin að þurfa bara að kalla upp í klefanum að mig vanti að komast í klippingu ódýrt og því er reddað eins og skot. Að þessu sinni var það Tinna sem á vinkonu sem tók mig að sér og ég er bara nett sátt.

Laugardagurinn var mjög chillaður. Vaknaði kl. 11 og bara kúrði undir sæng vitnadi þess að ég þyrfti ekki að gera rassgat þennan dag. Það er voðagott svona af og til :) en ég afrekaði það þó að fara tvisvar til keflavíkur þennan dag. Eina ferð til að sækja kærustu Anne á flugvöllin og síðan fór ég og sótti Bibba minn sem ég hafði ekki séð í marga mánuði. Það er samt þannig að þegar hann var kominn þá var eins og hann hefði aldrei farið. Við tókum svo gott chill þangað til að við fórum í mat til Lollu og Fúsa.

Um kvöldið var haldið til Bretanna í eilítinn stjörnugleðskap en við vorum held ég bara að fagna því hversu gott er að vera stjarna í þetta skiptið :) eilitli gleðskapurinn breyttist náttúrulega í heljarinnar partí og var sungið og dansað en aðalega spreyttum við okkur í enskunni enda var ekki um annað að ræða en að tala ensku sem kom oft á tíðum skrautlega út. Því miður varð myndavélin batteríslaus þannig að myndir þarf ég að fá annarsstaðar frá!

En kvöldið var gott og dansað á hverfis langt fram á nótt en þetta reykingabann er algjör snilld, mér er sama um þungt loft en að losna við reykingarlyktina er bara best, ekki var verra að koma heim í goðalandsfílinginn þar sem bibbi liggur hálf sofandi í sófanum og maður fær að henda sér á hann og vekja með látum ;) Ekki hætti ég að hlæja þegar bibbi sýndi mér að teppið sem ég og sólborg keyptum í IKEA heitir Bibbi, þá hló Inga Birna mikið.

Sunnudagur var viðburðarlítill, gott veður og ótrúlegt en satt þá lét þynnkan mig aftur í friði!! En ég vil þakka því reykingabanninu góða. Kúrt að goðalandshætti yfir mörgum myndum og farið í föt til að fara á æfingu og síðan í sund...það kostar 350 kr að fara í fokking sund hérna!!

Í dag er ég svo mætt heil á húfi og geði í fraktina..

..það er gott

blankiflur veifar bless ;)

Ég er farin

...til Svíþjóðar að fá mér kall ;)

Vala kannastu við þetta glott..

Blankiflur fallin fyrir svíunum

no longer a lazy son of a bitch

Nei ég er orðin duglegur fraktarstarfsmaður. Vigfús, as in fúsi á flugvellinum ákvað að sér vantaði sumarafleysingamann já eða konu og honum datt ég í hug! Voðalega var ég fegin að hann bauð mér þessa vinnu. Samt kannski ekki þegar ég vaknaði klukkan 6 í morgun en ég veit ég á eftir að brosa um næstu mánaðarmót :) Ég er líka nánast búin að læra allt á öðrum degi og ekkert búin að klúðra neinu þannig að ég hef góða tilfinningu fyrir þessu, flýg líka vonandi ódýrt til eyja um versló. Stór plús!!

spiluðum við blika í gær, gerðum jafntefli í skítaveðri!! Ég komst aldrei í gang og ætla bara að hætta strax að velta mér upp úr þessum leik.

En það sem er á döfinni í júní er eftirfarandi:

Leikur á móti Fjölni á heimavelli á föstudaginn en þá kemur Vala einmitt suður og við ætlum að halda upp á það með viðeigandi hætti. Svo er planið að sækja Bibba á flugvöllinn ef hann vantar far á Laugardaginn en um kvöldið býst ég við að Bretarnir okkar í stjörnunni ætli að bjóða í smá, tiny, innfluttningspartí. Ekkert mikið samt ;) kíkjum kannski aðeins niðri bæ, get our danceing shoes on, eins og Annie orðaði það!
Síðan er ekki leikur fyrr en 25 júní þannig að það verður langt leikjafrí og þá á ég einmitt að mæta alltaf kl. 6.30. Var ég búin að nefna það að ég er að vinna á lyftara ;) í gær var mér boðið í nefið þegar ég var að lyfta gám uppá fraktarbíl, þá leið mér eins og gaur! ég afþakkaði pent og ákvað að mæta með maskara í dag til að minna sjálfa mig á að ég er kvenmaður!
16 júní helgin er samt efst í huga mér þegar ég hugsa um júní. Ekki það að ég sé að gera mér neinar væntingar ég bara veit að þetta verður gaman, hitta alla sem voru að spila með okkur þegar við vorum að byrja í meistaraflokki og sjá allar gömlu kempurnar.
Síðan þarf ég að byrja í júní að sauma eyjapeysurnar, en það þarf að sauma ein 13 stykki eða svo. Eins gott að hafa hraðar hendur, ég hlýt að ná þessu ;)

Blankiflur er að spá í að hætta í saumanáminu og taka lyftarapróf...not!! Later

Laugardagur

Það er sko alls ekki laugardagur í ingu birnu friðjónsdóttur þennan laugardag,enda eru allir dagar eins þessa dagana!! En þar verður breyting á eftir helgi og því inga er væntanlega komin með vinnu ;) sjibbí!!

En ég ætla að hafa þetta stutt, ég fékk rétt að skreppa í tölvuna hjá thelmu en við kallinn (sólborg) erum búnar að vera hér í veislu í allan dag. Gott að hafa einhvern sem vill gefa okkur að borða :) Fór reyndar á landsleikinn áðan en hann er eiginlega ekkert til að tala um. Hundleiðinlegur.

Ætlum að fara að kveðja Önnu Berglindi á eftir, þannig að það er dagskrá í kveld.

En ætlaði aðalega að blogga vegna þess að við erum að plana skemmtiatriði 16 júní á fótboltahátíðinni og ég vil endilega að þær sem spiluðu með okkur frá 2001-2007 komi með hugmyndir og allavega taki þátt. Mér er dauðans alvara þannig að hringiði í mig ef ykkur dettur ekkvað í hug eða viljið vita hvaða hugmyndir við erum komnar með, þetta verður að vera almennilegt!!


En Blankiflur æltar að fara að hanga í reykjavík áfram og svo er náttla skedjúal í kvöld, anna berglind fer til spánverjalands og það þar að fullvissa það að hún komi einhverntímann aftur ;)